- 网站名称:百度搜索App
- 网站地址:m.baidu.com
- 进入网站网站提交
员工借账号数臭上司 店方发文还击变罗生门
其实黄店同黄丝嘅本质都系一担担,因为有可能黄店刻薄对待黄丝员工嘅同时,员工都成日无责任地"射波",两边都帮唔落。讲紧嘅系有黄店"Cosmos Restaurant & Bar"前员工竟借人哋账号"仓鼠队长ABI"喺"连登"发帖,指佢返兼职楼面,有一日佢唔舒服想请假睇医生,讲明会畀医生纸都照俾人炒,搞到好嬲好委屈,又话之前已经有同事因为请病假俾人炒。不过,日前"Cosmos Restaurant & Bar"就喺facebook发文回应事件,话成件事得啖笑,并逐一反驳呢位前员工嘅指责。感觉真系一场罗生门。
由于好多餐厅长期请唔够长工,变相兼职同"炒散"员工分分钟多过长工,而兼职同"炒散"员工"射波"又唔需要假纸同扣粮,所以佢哋"射波"嘅机会率都几高。不过,打得份工就要有责任心,唔想返工提前讲系常识吧!
话说,呢位前员工借人哋账号"仓鼠队长ABI"话,佢有日病咗想请假,亦都主动讲明会睇医生并攞医生纸,结果俾佢上司"Sa姐"话佢玩嘢所以炒咗佢。其实呢位"Sa姐"之前都有咁对过其他前同事,包括有一次有位员工病咗想请假,"Sa姐"就喺群组入面单单打打位员工,话以后边个"射波"超过三次就唔使再返工,及后涉事员工喺群组入面公开佢嘅医生纸,"Sa姐"竟然觉得不满,并讥讽:"咁叻仔啊你,竟然喺度send出嚟,你唔系私下畀我咩?"态度恶劣至极。
之后,"仓鼠队长ABI"就列埋间黄店嘅罪名排行榜,包括拖粮成性,"曾经有同事赶×住(出粮)找卡数,佢(上司)都可以唔×理人……",员工又爆料话铺头好多嘢都系淘宝货,又试过曾经欠供应商钱、当员工系出气筒等等。
有见及此,好多"连登仔"即扑出嚟闹爆间黄店。"鹿田"认为:"一间公司连对自己嘅员工都唔负责,你觉得佢点会对社会负责?""记得初衷不放手"话:"当『手足』condom,以后当黑店处理。"
黄店称无拖粮 逐一反驳指责
点知事情峰回路转,"Cosmos Restaurant & Bar"日前就喺fb发文回应事件,声称话佢哋无拖粮,更曾有同事赶住找数,老细(板)特登按(揿)cash出粮畀佢?。对于罢工,该店揶揄佢哋(员工)罢工时,呢位(涉事)员工都未入职,以及时势唔好欠供应商钱系常态,真系好好笑。
至于被指当员工系"出气筒"方面,该店续称:"经理有无当呢位前员工系出气筒閙(闹),脑细(老板)就唔清楚,但听闻呢位人士(被炒员工)任职短短一两个月期间多次『射波』、无认真工作、甚至o系(喺)脑细(老板)面前玩电话,经理最后请佢食『豉椒炒鱿』,就系咁简单!离职后7日如果无出粮可以上劳工处,唔需要等一个月架(?)!"
网民批老奉请假有问题
其实之前都有网民质疑呢位黄丝点解可以心安理得地"射波","乜××姐"闹爆:"做黄店啲人系咪都唔可以正正经经返工,定系觉得打黄店工有特权?""mindless"直斥:"你有个概念一个月老冯(奉)可以请两日病假已经有问题,我系老细(板)都炒×你,系病请十日都冇问题。"咁睇法,又系一场"黄圈罗生门"喇。
来源:文汇报
温馨提示:【百度手机App】收录于2021-04-06,信息来自互联网或网友分享,请大家查阅时,谨慎选择、自辩真伪,感谢您的理解与支持。